Very interesting page for all lovers of the Blogg culture. Skottustelpa is incredibly talented and good looking.
|
|
| Skottustelpa's Page of Fun and Games Very interesting page for all lovers of the Blogg culture. Skottustelpa is incredibly talented and good looking. |
|
|
Friday, March 14, 2003 Jæja, Skottustelpa komin á fast aftur. Svona er þetta líf, maður byrjar með, hættir með, byrjar með, hættir með.... Ég er í alsælu þennan vormorguninn, ég er með fallegustu konu í heimi uppi í rúmi hjá mér. Ég er ekki að ljúga þegar ég segi fallegustu. Þetta er hún Ragga frænka mín. Við ætlum að chilla og bonda yfir helgina. Vá, hvað verður chillað og bondað! Annars er það að frétta að ég er atvinnulaus. Ég fór á fund í vinnunni í gær og þær bökkuðu með öll fallegu gylliboðin sem mér stóðu til boða fyrir 2 vikum síðan. Í þetta skiptið fékk ég svona "crash and burn" uppskrift að lífi mínu næstu 3 mánuði. Ég veit að ef ég verð aftur veik í þessari vinnu þá verð ég of veik til að sækja um aðrar vinnur. Betra að sækja um þær núna á meðan ég er hress. Svona er lífið. posted by Skotta | 12:12 AM Wednesday, March 12, 2003 Ekki góðir dagar hjá Skottustelpu litlu. Hún er núna frekar mikið reið út í kærastann sinn. Ég skrifaði 4 uppköst að bréfi til hans, öll ósendanleg. Þetta hefur aldrei komið fyrir hjá mér áður. Meinið er nú bara að Skottustelpa vill gjarnan halda í þennan óákveðna en annars ágæta kærasta sinn. Hann er svo voðalega vitlaus að hann heldur að hann geti verið hamingjusamur án Skottustelpu. Þetta eru einhverjir ljótir strákar í útlöndum búnir að telja honum trú um. Skottustelpa veit ekki alveg hvað hún á að gera því hún vill að sjálfsögðu stýra eins og hjá Salsa Fritz um helgina. Það er ekki hægt því það kann ekki góðri lukku að stýra að stýra kærastanum sínum. Þá kennir hann manni um ef illa fer. Nei, það er áríðandi að kærastar taki sínar eigin ákvarðanir. Það er nú ekki svo hentugt fyrir Skottustelpu því hún er svo hrædd um að kærastinn taki ákvörðun sem hentar henni ekki. Það er svo leiðinlegt. Ansans vandræði á þessu óhentuga fólki sem tekur óhentugar ákvarðanir sem eru hentugar fyrir sig en ekki Skottustelpur. posted by Skotta | 10:52 AM Tuesday, March 11, 2003 Sæl öllsömul, Skottustelpa hér. Ég hef átt ansi viðburðarríka helgi. Ég fór nebblega á helgarnámskeið hjá Salsa Fritz. Ég var æði! Ég er ekkert smá flottur dansari. Steini vinur var partnerinn minn. Það gekk voða vel þrátt fyrir að ég hafi þurft að horfast í augu við skelfilegan sannleika: ÉG VIL STÝRA!!! Ég dansaði alltaf kallinn. Ekki gaman fyrir Steina því hann var líka alltaf að reyna að dansa kallinn þar sem hann var kallinn. Hvað meira gerðist um helgina? Ég hef verið cat-sitting hjá Systu og liðið eins og prinsessu. Systa á heima í höll (miðað við mína íbúð) og í höllinni eru TVÖ SJÓNVÖRP, DVD spilari og vídeótæki. Ég reyndi eins og ég gat að óverdósa á sjónvarpsglápi en tókst ekki. Ég fékk engann hausverk en hef verið dálítið vönkuð af svefnleysi. Hringdi meðal annars nokkur símtöl til Ameríku sem ég hefði betur látið vera að gera. Óvíst hvort ég er á föstu lengur... Gott að vera í bata, bati er góður. posted by Skotta | 3:59 AM |
|
|
|
|
|||||||||
|
 |
||||||||||||
|
|||||||||||||